Kartika Purnima – Telugu

అరుణాచలం – తిరువణ్ణామలైగా కూడా పిలువబడే ఈ ప్రాంతం,తమిళనాడులోని ఒకానొక ప్రముఖ పట్టణం.

పవిత్రమైన ఐదు పంచభూతలింగాలలో,ఇది కూడా ఒకటి.ఇక్కడ శివుడు అగ్ని రూపంలో దర్శనమిచ్చాడు.అరుణాచలేశ్వరుని యొక్క కథ మనకు స్కాందపురాణములోని మాహేశ్వరఖండములో “అరుణాచల మహాత్యము” తెలుపుతుంది.

ఒకానొకసారి బ్రహ్మ,విష్ణువు మధ్యన వారిద్దరిలో ఎవరు అధికులు అన్న విషయం మీద వివాదం ఏర్పడింది.ఆ పోరు పెద్దదై,సామన్య ప్రజలకు కూడా ఇబ్బంది కలిగిస్తుండగా,శివుడు అక్కడ ఒక పెద్దజ్యోతి స్తంభంగా ఆవిర్భవించాడు.బ్రహ్మ,విష్ణువుల యొక్క ప్రార్థన మేరకు శివుడు జ్యోతిస్తంభ రూపం నుండి ఒక కొండగా మారాడు – అదే ఈ నాడు మనము పిలిచే అరుణగిరి/అరుణాచలం.తరువాతి కాలములో,ఒక దేవాలయమును నిర్మించి అక్కడ శివలింగాన్ని ప్రతిష్ఠించారు.ప్రళయకాల పర్యంతము అరుణగిరి గుహలలో,ఎల్లవేళలా కనీసం ఒక సాధకుడైనా తపస్సును ఆచరిస్తుంటారని చెప్పబడుతోంది.