వైదికజీవనంలో ఆసక్తి ఉన్న ఆస్తికులందరూ వారి వారి సంప్రదాయాలను అనుసరిస్తూ., గురూపదేశములను అనుసరిస్తూ ఆచారవ్యవహారము కొనసాగిస్తూ ఉంటారు. సమాజమును ఇట్టి సంప్రదాయాలయందు, ఆచారవ్యవహారములయందు మార్గనిర్దేశము చేస్తూ గురుస్థానమును అలంకరిస్తున్న వారిని గురువుగారు అని, అయ్యగారు అని గౌరవంతో పిలుస్తుంటాము. అట్టి పురోహితులను, స్మార్తపండితులను, వేదపండితులను, ఆగమపండితులను, ఉత్తమానుష్ఠాతలను దృష్టిలో పెట్టుకొని ఆపస్తంబమహర్షి చేత ఉపదేశింపబడిన గృహ్యసూత్రములయొక్క పరిభాషాప్రకరణమును సహజసులభమైన తెలుగుభాషలో అనేకధర్మశాస్త్రములను అధ్యయనం చేసిన స్మార్తవిద్యలో నిష్ణాతులైన బ్రహ్మశ్రీ డా॥ ముష్టి పవన కుమార శర్మగారు బోధించారు. ఈ పాఠాలముద్రణలను మీకు కుదిరిన సమయమున చూసి అపూర్వవిషయములను నేర్చుకొనవచ్చును.